Madaxweyne ku xigeenka Dowladda Puntland ayaa Maanta daah-furay imtixaanka shahaadiga ah ee sannad dugsiyeedka 2020-2021.
“Sharaf bay u tahay dawladda iyo shacabka Puntland in maanta ay imtixaanka u fadhiistaan 17,735 araday oo isugu jira gabdho iyo wiilal. sannadkan tirada gabdhaha u fadhiistay imtixaanku waxay ka badan tahay ta wiilasha waan arrin bogaadin mudan” ayuu yiri Madaxweyne ku xigeenka Dowladda Puntland Mudane Axmed Cilmi Cusmaan (Karaash) .
“Waxaan ku bogaadinayaa dedaalka aan kala joogsiga lahayn ee ay mar walba waddo wasaaradda waxbarashadu, si gaar ah waxaan ugu mahadcelinayaa xafiiska imtixaanaadka Puntland oo masuuliyad weyn iska saara diyaarinta,xafidida iyo qaadidda imtixaanaadka loo dhan yahay ee Puntland” ayuu mar kele xusay Madaxweyne ku xigeenku.
Guul ayuu Madaxweyne ku xigeenka Dowladda Puntland Mudane Axmed Cilmi Cusmaan (Karaash) uu rajeeyey dhammaan ardayda reer Puntland ee saaka u fadhiistay imtixaanka. wuxuuna kula dar-daarmay in ay is dejiyaan oo ay imtixaanka si mug leh udhugtaan.
Warar lamid ah
MW DPL OO QASRIGA MADAXTOOYADA KU QAABILAY XILDHIBAANADA CUSUB EE PUNTLAND DHAWAAN LAGU DOORTAY
MADAXWEYNAHA DPL OO QAABILAY GUDDIGA U QAREEMAYAASHA KOONTADA HAWEENKA EE BAARLAMAANKA SOOMAALIYA
MADAXWEYNAHA DPL OO KA QEYBGALAY SHIRKA WADA TASHIGA ARRIMAHA DOORASHADA SOOMAALIYA