Wasiirka Wasaaradda Waxbarashada iyo Tacliinta Sare ee dawladda Puntland, Cabdullaahi Maxamed Xasan, iyo Agaasimaha Waaxda Imtixaanaadka ee Wasaaradda Waxbarashadda iyo Tacliinta Sare ee dawladda Puntland, Maxamuud Siciid Caysane, ayaa maalintii labaad magaalada Garowe kormeer ku maray xarumaha imtixaanka Shahaadiga ah ee fasalka 12aad ee dugsiga sare iyo fasalka 8aad ee dugsi dhexe, isaga oo kormeer ku tagay qayb kamid ah xarumaha uu ka socdo imtixaanka dugsiyada sare ee Garoowe.
Mas’uuliyiinta kormeerka ku tagay ayaa la kulmay kormeerayaasha xarumaha imtixaanaadka iyo maamulayaasha dugsiyada martigeliyey imtixaanaadka.
Wasiirka ayaa kula dardaarmay in ay ardaydu ku dadaaalaan sidii ay ula tartami lahaayeen dhiggooda dugsiyada kale iyo caalamkaba. Waxa kale oo uu u sheegay ardayda in ay dhammaan soo xirtaan af-daboolka (face mask).
Xafiiska Imtixaanaadka ee Wasaaradda Waxbarashada iyo Tacliinta Sare waxaa ka go’an in waxqabadyadiisa uu la xidhiidhiyo tiknolojiyadda, oo ah meel uu caalamku ku tartamayo.
“Jiil aqoon lagu barbaarshaa, bulshadu saboolnimo kaga baxdaa.”
Warar lamid ah
MW DPL OO QASRIGA MADAXTOOYADA KU QAABILAY XILDHIBAANADA CUSUB EE PUNTLAND DHAWAAN LAGU DOORTAY
MADAXWEYNAHA DPL OO QAABILAY GUDDIGA U QAREEMAYAASHA KOONTADA HAWEENKA EE BAARLAMAANKA SOOMAALIYA
MADAXWEYNAHA DPL OO KA QEYBGALAY SHIRKA WADA TASHIGA ARRIMAHA DOORASHADA SOOMAALIYA